ترجمه‌ی نی نامه مولوی به زبان ترکی از حیدر عباسی

>>اگر در حد ورژن فارسی اش نباشد از ورژن فارسی اش کمتر نیست <<

"هو"

گل ائشــیت نئیــدن شــــکایت ائیـــله‌ییـر      آیــریْلیـقــــلاردان دا حــــکایت ائیــله‌ییــر

 تا  قامیْــشلیقــــدان  اؤزولـــدو  الفتیـــم       آغلادیْــب دؤنیانــیْ ســوْنسـوز محنـتیــم

هجــردن ‌یانمــیْش اؤرک‌دیـــر ایستـه‌ییـم        اشتیـاقیْــن آغــر‌یْسیـــن تا سـؤیلـه‌ییـــم

اؤز کؤکـوندن ‌کیمسـه ‌کیـم ‌دؤشـدو  اوزاق     آختـــارار بیـــرلشمـــه‌یه داییـــم یـاراق

جمـعلــــرده آه و نالـــم سالـــدیْ ایـــز           موتلو هـم ‌موتسـوزلا ‌اوْلـدوم دیـز به ‌دیـز

یـار اوْلــور هـرکس‌ منـه بیـر ظـنّ ایلـــن         یـوْخ ‌ایشـی ‌سینـه‌مـده اوْدلــو سیــررینـن

لیـک نالمـــدن دگیـــل سیْــرریــم اوزاق          گـؤرمه‌مـزلیـک ‌گـؤزلـره ‌اوْلمــوش‌ دوزاق

تـن روانــدان‌ جـان‌دا تنـــدن آیـریْ ‌یـوْخ           گؤرمـه‌یـه ‌جانـی ‌بو جیسمیـن‌ اذنـی ‌یـوْخ

نئــی‌ده‌کی نالــه دگیــل یئــل، اوْددور اوْد        بــو اوْدا اوْدلانمــایـان جنــدک‌دی‌ خــوْد

نئـی‌ده‌کی ‌اوْد مئـی‌ده‌کـی قایناقـدیْر عشـق     عشـق ‌دورغـونلوق ‌دگیـل‌ اوْیناقـدیْر عشق

نئیــدی یاردان آیــریْـلانــلار همـــدمـی           نئیــدی ییْـرتان نالـه‌ســی ایلـن پــرده‌نی

نئـی‌کیـمی ‌دردی، دوانـیْ ‌کیـم‌ گــؤرؤب        نئـی‌ده‌کی سیـزقیْن ‌نـوانی کیـم‌ گـؤرؤب

قانـلیْ‌ یوْللاردان ‌آچیْـر سـؤز اوْدلـو نئـی          اوْدلانـانـلاردان آچیْــر سـؤز اوْدلـو نئـی

بـوردا هـوش تاپماق باییْلماقـدیر گـؤزل           مست‌لیـک ایچــره آییْلـماقـدیـر گـؤزل

غصـه‌میـــزدن قــرنلـر قالـــدیْ ملـــر               سـوزونـان بیــرلشـدی آیـلار هفتــه‌لـر

گؤنلریم گئچدی قوْی اؤتسؤن عیبی یوْخ        قال‌گیْنـان سن ائی‌کی سنـدن غیـری یوْخ

گـؤن قاراتـدیْ عشقــدن پایسیْــز یقیـن           یانقـیْ‌سی سـؤنـدوْ بالیْقـدان غیـری‌نیـن

پیش‌می‌شیـن حالیْـن گـؤزل خام آنلاماز         قیْسسا گل خـامیْ یئتیش‌میـش دانـلامـاز

 (باریشماز)