ملانین قیزی
ملانین قیزینا ائلچی گلر، ملاقیزینن سوروشار: قیزیم سوزون نه دی؟
قیزدئدیر: یوخ آتامن آنامنان آیریلاممارام.
ملادئدیر: عیبی یوخدی قیزیم آناوی دااوزونان آپار
ملا نصرالدینین یورغانی
گئجه یاتماق زمانی چاتمیشیدی
ملانصرالدین ائوده یاتمیشیدی
ناگهان کوچه ده اوجالدی صدا
وورهارای دوشدو،قوپدی بیر غوغا
ملاچیگنینده یورغانی درحال
کوچه یه چیخدی مضطرب احوال
گوردی بیریاندابیرآغیردسته
صانکی مینمیش آداملاراوست اوسته
ایسته دی دسته یه طرف گتسین
بو یغنجاق نه دور؟ سؤال ائتسین
اشبواثناده بیرنفرطرار
قاپدی یورغانی ناگه ائتدی فرار
ملابوقصه دن پریشان حال
ائوینه دونجه ک ،عورت ائتدی سؤال
ده گوروم کوچه ده نه وار،آکیشی
بونه دعوادورآنلادینمی ایشی؟
دئدی یورغان ایچون ایمیش بوساواش
یورغانی قاپدیلارکسیلدی ساواش
بیردقیقه دوز
بیرگون ملا مسجدین گولدسته سی اوسته دوعااوخوردی.بیرکیشی اللرین گویه قوزویوب دئدی:
اللاه مین ایل سنین یانیندانه قده ر دی؟
ملا اوستدن دئدی: مین ایل منیم یانیمدا بیرثانیه دی
کیشی سوروشدی: ایکی مین دینارسنین یانیندانه قده ردی؟
ملادئدی: ایکی مین دینارمنیم یانیمدابیردیناردی.
کیشی یالوارایالوارادئدی: ایندی کی اوجوردی ،منه بیردیناروئر.
ملاجواب وئردی: بیرثانیه دوز!!!
دولی دونیا
ملادان سوروشدولار: نوع بشرین دیریلیگی نه وقته کیمی اولاجاقدیر؟
دئدی: او وقته کیمی کی جهنم و بهشت دولا!
بؤرکی خفه لماق
ملانین بیر ائوده دعوتی وارایدی، غذا یئیه ندن سونرا اؤردا یاتماق ایسته دی، اؤز باشینا بیر بؤیوک و آچیق گئجه
بؤرکی قویدی و اؤندان اؤتری کی راحت باشینه قؤیا دستمال ایله اؤنی ارادان باغلاییب و باشینا قؤیدی. سحر کی ائو
صاحابی اؤنی اؤ حالیله گؤردی سوروشدی: ملا بو نه وضع دیر؟ گئجه بؤرکونی خفه ائتمیسن؟ ملا دئدی: اگرمن اؤنی خفه ائتمه سه یدیم اؤ منی خفه ائیلردی!
ملانین تعارفی
بیر گون ملا تارلاسیندا اگلشمیشدی بیر آتلی گئچیردی ملا دئدی: بویورون. آتلی فورأ پیاده اولوب سوروشدی: آتین افسارین هارا باغلاییم؟ ملا کی گمانی یوخویدی تعرفی بئله نتیجه وئرسین دئدی: آتین افسارین منیم دیلیمین اوجونا باغلا!
ملانین اولماقی
بیر گون ملا قبریستانین کناریندان گئچیردی بیر کهنه و بوش قبر گوردی، اؤز - اؤزینه دئدی گوروم اولماق نئجه اولار؟ پس قبرده یاتدی. بو زماندا بیر قافله کیشی یولدان گلیردیلر چون اونون یاخینلیغینا یئتیشدیلر قبردن چیخدی و دئدی اولمه دیم. اونو گورمه کدن قاطیرلار رم ائدیب واو بیری طرفه قاچدیلار و داللاریندا کی یوکلری یئره دوشدی.
کیشی لر اونون اوستونه توکولوب دئدیلر سن کیمسن؟ دئدی: من اولمه میشم، تماشادن اوتور قبره گیرمیشدیم. قافله اهلی آغاجیله اونون باشین و قول قابیرقاسین ازدیلر و لباسلارین جیردیلار. ملا زحمت ایله قاچوب و اؤزینی ائوینه یئتیردی. آروادی دئدی: نئجه رفتار ائتدیلر؟ ملا دئدی: اگر خلقین قاطیرلارین اؤلکیتمه سن بیر آدامین بیر آدامیله ایشی یوخدور!
آبگوشت سویی
بیر گون بیر کندلی ملادن اوتری بیر دوشان هدیه گتیردی، ملا اوندان مفصل پذیرالیق ائتدی و سئوینجه ک اونی یولا سالدی. بیر آیری هفته گئنه همان کندلی گلدی و اوزون معرفی ائتدی، ملا گئنه اونا محبت ائدیب و اونو قوناق ساخلادی. گلن هفته سی نئچه نفر ملانین ائوینه گلوب و اؤزلرینی او کندلی نین قونشولاری معرفی ائتدیلر . ملا بیر آبگوشت پیشیریب و اونلاردان پذیرالیق ائتدی. گئنه بیر هفته گئچد ی و نئچه نفر ملانین ائوینه گلوب اؤزلرینی او هدیه گتیرن کندلی نین قونشوسونون قونشولاری معرفلیق ائتدیلر! ملا کمال ادبیله اونلاری ائوینه گتیریب و نهار زمانی بیر بویوک کاسا سو اونلارین قاباقینا قویدی. کندلیلر تعجب ایله سو کاسا سینا باخدیلار. ملا دئدی: بویورون نوش ائلیون، بو دوشان آبگوشتونون سویونون سویونون سویی دیر!
ملانین تار چالماقی
بیر گون ملانی بیر تؤی مجلسینه چاغغیردیلار و مجلسده اولانلار اوندان ساز چالماق ایسته دیلر! ملادا مضایقه ائتمییوب و سازی الینه آلوب مضرابیله اونون بیر نقطه سینه ویردی و بیر پیس سس چیخدی. سوروشدولار بو نه جور ساز چالماقدیر، ساز چالماقدان اوتور لازیمدیر کی بارماقلاری پرده لرین اوستینده دولاندیرالار تا قشنگ سس چیخا. ملا دئدی: خلق ایستیرلر پرده لری تاپالار کی اؤز بارماقیله اونلارین دالیسیجا دولانورلار، اما من پرده لری تاپمیشام داها لزومی یوخدور اونلارین دالیسیجا دولانام!
قاپی نین اوغروسی
ملانین ائوینین قاپیسین اوغورلادیلار. ملا مسجده گئدیب و اورانین قاپیسین چیخاردیب ائوینه آپاردی. سوروشدولار: بو نه ایش دیر؟ دئدی: منیم ائویمین قاپیسینی اوغرویوبلار وبو ائوین صاحابی اونی تانیییر، اوغرونی منه تاپشیرسین و اؤز قاپیسینی مندن آلسین!
نعوذ بالله
امیرلرین بیری بیر گون ملادن سوروشدی: عباسی خلیفه لرینین زمانیندان سونرا رسم ایدی خلیفه لرین و امیرلرین بیر لقب لری اولسون کی بالله ایله قورتولا، مثلأ متوکل بالله و معتصم بالله کیمی، سیزین نظریزه منیم اوچون نه لقب مناسیبدیر؟ ملا جواب وئردی: سنه نعوذبالله هامیسیندان یاخشی دیر.
حماقتی ثابت ائتمه ک
ملانین اوزون سققالی وارایدی. گئجه کتابدا اوخوردی سققالون اوزونلیغی و باشین کیچیک لیغی سفئه لیقا دلیل دیر. ملا آینایا باخوب ودئدی: پس من گره ک سفئه اولام.ایسته دی هرچه تئزراق بو نسبتی اوزوندن اوزاق ائتسون الینی سققالینون آراسینا آپاریب چراغین قاباقینا توتدی کی یاریسین آرادان آپارسین اما سققالی اود توتوب باشی و اوزی یاندی و توختاماغدان اوتور بیر مدت ائوده یاتدی. یاخشی اولاندان سونرا کتابین حاشیه سینده یازدی: بو مطلب ثبوته یئتیشیب و تجربه اولوبدور.
نمه نه زاییل اولوب؟
بیر نفر ملایه دئدی: ائشیتمیشه م آروادوون عقلی زاییل اولوب. ملا بیر مدت فکر ائدیب و اونا جواب وئرمه دی. او کیشی سوروشدی: نه فکر ائدیرسن؟ ملا جواب وئردی: منیم آروادیمین هئچوقت عقلی یوخیدی کی زاییل اولسون، فکر ائدیرم کی زاییل اولان نمه نه ایمیش؟
جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی جوک ترکی
یاشا گولدوخ
اؤزون گولسون
یاشاااااااا
بتر گولملی دیلر